ప్రముఖ టాలీవుడ్ కొరియోగ్రాఫర్ జానీ మాస్టర్ వివాదంలో ఇరుక్కున్నాడు..కొన్ని రోజులుగా తనను వేదిస్తూ లైంగిక వేదింపులకు గురిచేస్తు్న్నాడంటూ ఓ మహిళా కొరియోగ్రాఫర్ రాయదుర్గం పోలీసులకు ఫిర్యాదు చేసింది..మహిళ ఫిర్యాదుతో జానీ మాస్టర్ పై కేసు నమోదు చేశారు..టాలీవుడ్ ఇండస్ట్రీలో జానీ ప్రముఖ కొరియోగ్రాఫర్ గా కొనసాగుతున్న విషయం తెలిసిందే..దాదాపు అందరు అగ్రహీరోలతో జానీ మాస్టర్ పనిచేశారు..టాలీవుడ్ తో పాటు బాలీవుడ్, కోలీవుడ్, శాండల్ వుడ్ పరిశ్రమల్లోని స్టార్ హీరోలకు జానీ మాస్టర్ కొరియోగ్రఫీ అందించారు…అంతే కాకుండా జనసేన అధినేత పవన్ కళ్యాణ్ కు జానీ వీరాభిమాని..ఎన్నికల సమయంలో జనసేన లో చేరి పవన్ తరపున ప్రచారం కూడా చేశారు జానీ..ఇప్పుడు జానీ మాస్టర్ పై లైంగిక వేదింపుల కేసు నమోదు కావడంతో ఇండస్ట్రీ అంతా ఈ విషయం గురించే చర్చించుకుంటున్నారు..
చెన్నై, ముంబై, హైదరాబాద్‌తో సహా వివిధ నగరాల్లో అవుట్‌ డోర్ షూటింగ్స్ చేస్తున్నప్పుడు, అలాగే నార్సింగిలోని తన నివాసంలో కూడా జానీ తనపై అనేకసార్లు లైంగిక వేధింపులకు పాల్పడ్డాడని సదరు మహిళా కొరియోగ్రాఫర్ ఫిర్యాదులో పేర్కొంది. ఆమె ఫిర్యాదు మేరకు రాయదుర్గం పోలీసులు జీరో ఎఫ్‌ఐఆర్‌ను నమోదు చేశారు. తదుపరి విచారణ కోసం నార్సింగి పోలీసులకు కేసును బదిలీ చేశారు. జానీ మాస్టర్ పై పలు సెక్షన్ ల కింద కేసు నమోదు చేసినట్లు పోలీసులు తెలిపారు…కొరియోగ్రాఫర్ జానీ మాస్టర్‌పై గతంలోనూ ఓ కేసు ఉంది.. 2015లో ఓ కాలేజీలో మహిళపై దాడి చేసిన కేసులో 2019లో మేడ్చల్‌ కోర్టు ఆయనకు ఆరు నెలల జైలు శిక్ష విధించింది…మళ్ళీ ఇప్పుడు మరో కేసు నమోదు కావడంతో జానీ మాస్టర్ ఎలా స్పందిస్తాడో వేచి చూడాలి…
